عادات صحية – لبعد حربك مع السرطان – اللي كلنا محتاجينها

كل سيدة قوية قابلت أكيد صعوبات فحياتها و من واجبنا نقف جمبها و نساعدها تعديهم. بليس قررت تتحدى سرطان الثدي مع المحاربات عن طريق زيارة مؤسسة بهية لنشر التوعية عن الكشف المُبكر لسرطان الثدي لفهم توابع المرض ده بشكل أعمق، تأثيره على المحاربات و بالتالي توفير المساندة الازمة. النهاردة المقالة دي هتكون كلها عن ازاي المحاربة تقدر تخرج من المحنة دي مُستفيدة بصحة شعرها، بشرتها وضوافرها

في خلال و بعد رحلة علاج السرطان، غالباً ما بتلاحظ المحاربة تغيرات فبشرتها و شعرها و ضوافرها.. الزيوت الطبيعية بشكل عام دورها أساسي في الترطيب و التغذية الخارجية اللي بتحفز نمو الشعر و بتنظم إفرازات دهون البشرة. دلعي نفسك و شعرك بحمام زيت الكستور، الارجان وزيت اللوز الحلو. لأحسن النتايج حطي الزيوت دي مرتين في الأسبوع و دلكي شعرك كل يوم لمدة ٥ دقايق لتحفيذ الدورة الدموية لفروة الراس. كمان عشان توصلي لأحسن النتايج على المدى البعيد لازم تخلي بالك من اختيارك للشامبو، اختاري دايماً شامبو درجة حموضته متعادلة و الأفضل شامبو اورجانيك بينظف بلطف. ماسكات الشعر بتساعد فتقوية بصيلات الشعر، بترطبه و تسرع نموه لأقوى ترطيب يفضل معاكي من غسلة للتانية. أما بالنسبة لبشرتك، المحافظة على روتين صباحي و مسائي صحي مش بس هيساعدك تحسني من مودك – والي بالتالي بيقوي مناعتك – ده  كمان هيعود بالنفع على بشرتك على المدى البعيد.

: روتين بشرتك الصباحي محتاج يكون

  (خطوة أساسية)  (PH balanced)  منظف وجه بحموضه متعادلة      –

(تونيك أو تونر (خطوة أساسية      –

سيرم      –

(كريم لتحت العين (خطوة أساسية      –

كريم صباح      –

زيت البشرة      –

(واقي من الشمس (خطوة أساسية      –

 : أما بالنسبة للروتين الليلي

               (خطوة آساسية)  (PH balanced)  منظف وجه بحموضه متعادلة      –

(تونيك أو تونر (خطوة أساسية      –

سيرم      –

(كريم لتحت العين (خطوة أساسية      –

(كريم مساء (خطوة أساسية      –

زيت البشرة      –

احنا عارفين ممكن الليستة تخضك و تزهقي من كل الخطوات دي.. لكن متخليش ده يحبطك.. لو فيوم مش قادرة، أعملي بس الخطوات الأساسية لإن كمان في النهاية كل طبيعة بشرة ليها احتياجاتها.

أخيراً و ليس آخراً، الغذاء و ممارسة الرياضة من أهم العناصر فرحلتك لاسترجاع صحة بشرتك و شعرك و ضوافرك. جسمك محتاج يتحرك أكترعشان تحسني من الدورة الدموية. اما بالنسبة للتغذية، دخلي في وجباتك الزينك، الحديد، الماغنيسيوم، اوميجا ٣، بايوتين و الكالسيوم و ادعيلنا!

تلاقي العناصر دي فين؟ سهلة.

الزينك: المكسرات، القشريات (الجمبري و الكابوريا..إلخ)، الشوكولاتة الغامقة، البيض و السمسم    –

الماغنسيوم: زبدة الفول السوداني، الموز، اللبن، التفاح و الشوفان    –

أوميجا ٣: السالمون، البروكلي والمكسرات     –

البايوتين: الخضروات ذات الأوراق الخضراء (خس، جرجير..إلخ)، الكبدة، البطاطا و المشروم     – 

كالسيوم: منتجات الالبان، الصويا و المخبوزات المخبوزة بالدقيق     –

الحديد: الكبدة، البنجر، اللحوم الحمراء، الفاصوليا الحمراء ، الفواكه المجففة و الرمان     –

روتين شعرك و بشرتك مع التغذية السليمة و ممارسة الرياضة أساسيين لاستعادة صحتك الجسدية و النفسية بعد حرب السرطان. دخلي العناصر الغذائية اللي ذكرناها في نظامك الغذائي و مارسي الرياضة – حتى لو المشي فقط – فيومك و استخدمي الزيوت الطبيعية و المُنتجات المناسبة لشعرك و بشرتك ونضمنلك أحسن النتايج! لكل محاربات السرطان – سواء سرطان الثدي أو غيره – بليس دايماً هنا معاكي و هتساعدك تبيني قوتك الداخلية و تلهمي غيرك